ಜಗ್ ಅರಾವಳಿಯಲ್ಲಿ ಮಲಗುವ ಮುನ್ನ, ಗೂಗಲ್ ನಕ್ಷೆ ನೋಡಿ, ಮರು ದಿನದ ಕಲಾಪ ಅಂದಾಜಿಸಿದೆವು. ಬೆಳಿಗ್ಗೆ ಬೇಗನೆ ಹೊರಟು ಮೊದಲು ಚಿತ್ತೋರ್ ಘಡ್ (೧೧೦ ಕಿಮೀ) ದರ್ಶನ. ತ್ರಿಕೋನದ ಎರಡನೇ ಭುಜದಂತೆ, ಅಲ್ಲಿಂದಲೇ ಕುಂಬಳಘಡಕ್ಕೆ (೧೬೨ ಕಿಮೀ) ಪಯಣ ಮತ್ತು ದರ್ಶನ. ಅಲ್ಲಿ ಸಂಜೆಯ ಧ್ವನಿ ಬೆಳಕಿನ ಪ್ರದರ್ಶನವನ್ನೂ ಅನುಭವಿಸಬೇಕು. ಕತ್ತಲಲ್ಲಿ ತ್ರಿಕೋನಪೂರ್ಣಗೊಳ್ಳುವಂತೆ ಉದಯಪುರಕ್ಕೆ (೮೪ ಕಿಮೀ) ಮರಳಬೇಕು. ಯೋಜನೆಯನ್ನು ಕಾರು ಚಾಲಕನಿಗೆ ಹೇಳಿ, ಏಳು ಗಂಟೆಗೆ ಹೊರಡಲು ಆದೇಶ ಕೊಟ್ಟೆವು. ಆದರೆ ಆತ ನಮ ಅಜ್ಞಾನವನ್ನು ನಗದು ಮಾಡಿಕೊಂಡು “ಹತ್ತು ಗಂಟೆಯಲ್ಲದೇ ಚಿತ್ತೋರ್ ಘಡ್ ಪ್ರವೇಶ ಚೀಟಿ ಸಿಗೋಲ್ಲಾ. ನಾವು ಎಂಟು ಗಂಟೆಗೆ ಹೊರಟರೆ ಧಾರಾಳವಾಯ್ತು…” ಜೈಪುರದ ನಹರ್ ಘಡ್ ಅನುಭವ ಬಲದಲ್ಲಿ ಇರಬಹುದೇನೋ ಎಂದು ಒಪ್ಪಿದೆವು. ಹಾಗಾಗಿ ನಾನು, ದೇವಕಿ ನಿತ್ಯ ರೂಢಿಯಂತೆ…